Julle, Ons gaan trou!

Ons het mekaar ontmoet deur ons persoonlike "match-maker" (Zani se ma). Ons sal haar ewig dankbaar wees! Sy het presies geweet wat haar dogter nodig gehad het. Wynand het altyd sy hare gaan sny by haar. En so het sy en Wynand se skoonsuster begin konkel om ons aan mekaar voor te stel. Dankie julle! Dit was nie lank nie toe is die skoot hoog deur. As daar nou een ding is wat Wynand goed kan doen, is dit om my te laat wag. 'n Volle 7 jaar later het hy my uiteindelik op 31 Maart 2023 gevra om te trou. My hart was so bly! En hier sit ons nou hard besig om 'n troue te beplan. Ons is verskriklik opgewonde en kan nie wag om die dag saam met julle te deel nie.